客家书信
曾先生：
汝好，看了汝介留言，涯也晓得汝介心情，涯发哩篇文章本来就系冒了十分太介“危险”介，因为哩个话题十分敏感，奔人批判也系正常介，所以涯唔会怪汝，哩篇文章对任何一个客家子弟来讲都系有一定介打击介。
曾先生，相信汝对客家话介现状也有一定介了解，客家话已经面临淘汰出局介危险，如果涯大家客家人都唔来爱惜其，保护其介话，客家话就有可能消失掉，相信汝也唔愿意看倒哩样介现实。
介又样般里占可以让客家话唔晓消失呢？相信汝也会一样十分关注。系，客家话爱保存下来，但系涯等在口头上讲系无用介，因为十分多客家人都唔曾认识到客家话所面临介危机，海内外已经有十分多学者已经对客家话作出了预言，其大家认为，如果客家话照哩种速度流失下去介话，客家话会在200年后消失得干干净净。一旦客家话消失了，客家文化也就无了，也就更唔会有客家人了，哩系一个因果关系，相信任何一个客家人也知得哩个厉害关系。
涯发哩篇帖子，目的系唤醒客家人介自尊同提高客家人介危机意识，因为客家在涯心目中介地位永远系第一位介，可以哩样讲，涯愿意同客家同生共死，原因十分简单，因为涯系一个客家人，涯爱做一个有自尊介客家人。
系了，涯唔系台湾介客家人，涯系来自客家大本营里（）介客家人，系伢介家乡培养了涯介客家意识，也系台湾客家分哩涯客家危机意识。涯只有一个希望，介就系希望客家话可以传承下去，并且得以推广。但系面对如此之困境，涯只有发自涯心里介感慨，希望曾先生也能够理解伢介心情
