经过一场闷战,英格兰收获3分,巴拉圭就收获信心.但作为球迷不禁要问,艾力臣究竟你想搞乜鬼?
一般既赛后评述我都唔想讲了.场波闷到体育台众嘉宾可以施施然咁各抒己见.大家都有眼睇,英格兰既踢法有几保守.开场咁快取得入球,却俾距地有了借口,可以稳守.反唔反击?睇定D先.最紧要后面唔好失球.3分我又挪住咯.前面唔入波,D进攻球员进攻无乜套路,唔使担心啦.我觉得艾力臣都係咁霖.我都係讲下我自己既一D另类睇法.
首先再次证明左艾力臣真係好平庸.用乜人,球迷都估到.点排法,球迷又估到.即使係点攻法,连球迷都再估到.唉,咁仲有乜惊喜俾我地球迷先啊?大家赛前点热烈讨论谢拉特啊,林伯特啊,高治啊,统统靠边站.一个闷蛋的艾力臣,立即抢晒听日报纸的头条.场波最有威胁的射门,居然全部集中係林爸爸身上.D前锋去晒边?虽然大家都知道英格兰既进攻,都几依靠中场后上,但无可能咁离谱架.或者,艾力臣觉得,既然个个都觉得呢支英格兰可以挪冠军,呢支英格兰係40年来最强,咁我就唔好俾距地咁早出状态,小组赛出到线就得,到淘汰赛先慢慢切你.距真係好有信心喔.
其次,防守上,巴拉圭基本好难制造到险情俾英格兰,所以更可以俾艾力臣大条道理去踢闷波.既然波又入左咯,场面又唔係真係好被动,keep住个势到完场就係啦.ok,原谅你咁既想法.但换人,都真係几乱咁呢.可能係换人上面,距真係俾到我地惊喜.先换个唐宁上去踢451,祖·高尔居然踢前腰.后面再换夏格维斯上去,但谢拉特又唔係顶上去喔.真係怪.守係守得住既.但踢得咁沉闷,真係好难服人.距咁排阵,换人,唔单止废谢拉特,林伯特,仲废埋祖高尔,碧咸.都唔知距点霖野既.因为艾力臣既方针,基本上,场上既球员都唔需要点表现.个个都係做好自己位置上既野就ok,唔需要你好出彩,最紧要无失误.所以就球员的表现,根本无乜好讲.
如果场波安排係凌晨3点,几好呢?不但可以催眠,更可以俾D错过左既人唔觉得可惜.咁既过场,估计係德国既英格兰球迷,都提唔起兴趣去闹事咯.唔通,艾力臣赛前就被告知,踢闷D,等德国警方省下很多精力?呵呵.
唉,场波真係好闷,闷到赛后都唔知讲乜好.希望下场对队弱队,可以放开D呢踢啦!!
巴拉圭却可以係呢场闷战中收获信心.既无输太多球,拉低净胜球,又无点消耗体力,可以係下场全力同瑞典搏杀.更证明了距地有能力向强队制造到压力.如果一阵瑞典赢唔到大比分,下场就係生死战啦.
