睇完一场精彩既揭幕战,6个入波,打破往届揭幕战闷场惯例.尤其以德国队第一,第四球最为精彩.但德国队咁烂的后防线,真係吓死一众押宝德国队既球迷.当3比2时,志伟哥都唔小心漏嘴讲句,"咁既比分,赢波输盘咯."呵呵,幸好还有花连斯惊天一脚.个脚波估计会入选本届金球评选. 无论係发力,角度,都堪称完美.估计距离都有40米.睇呢真係要买返个"团队之星"呢试下脚先得.众多球迷也要感谢花连斯呢一脚,估计打救左好多人咯.呵呵...
简单讲下两队表现.首先哥斯达黎加,距地基本交足功课.揭幕战,对东道主,输少当赢,将精力留返对后面比较弱既对手.防守时堆积更多人去补位,进攻时就靠前面个两个人个人能力.德国后防犯既错,距地基本都抓住了.距地咁既部署,係岩既.第一战尽量少失球,抓住机会进球,既留了力,也争取到净胜球.其实如果距地谷出呢攻,效果都算唔错.睇距地入德国第二球,通过几脚简单的传接,就攻到德国队既禁区前.期待距地后两场可以打得咁开放.
再到德国队.真係,好多问题.进攻上,主要集中係左路.小猪哥哥既能力真係完全左右德国队既进攻质量.中路无左一个波力克,唔单止进攻上无一个后上的威胁点,更重要既係,中间无人去过渡一下.波路斯基话就话"波力克第二",但始终能力上还差好远.好多波,都係係边路真係去唔到了,先被动咁交去中间去转.如果波力克係度,相信边路会更主动咁去传球俾中路转接.德国队第二个波最有组织性,由右路传去中间插上,又係小猪哥哥,再到高路士包抄.剩下个3球,其实基本都係靠个人能力去制造入球.如果德国队唔解决进攻套路过于简单的话,后面的路,真係会越行越难.
后防线,估计会係听日报纸批评最多的地方.其实出咁多错,责任係中后卫身上,也係后腰身上.后腰基本无起到一个中场屏障的作用,任对方的进攻球员係咁带住波冲埋后防线前面,中后卫就好被动了.上又唔係,退又唔係.好了,就造越位吧.偏偏个右后卫又唔生性,成日包晒位.虽然哥斯达黎加既第二个入球有越位嫌疑.但如果个右后卫统一D,估计个边裁早举旗了.中后卫又成日盯唔住人.何辉话斋,云祖帕成日行行下,咦?发现自己空左既.咁既盯人能力,面对D世界级前锋,前面入几多,都唔够后面输啦!
总括而言,德国队今仗既表现还算合格,进攻上制造了不少机会,但后防线却漏洞百出.如果唔改善后防线问题,真係前面入再多波都无用.而且,面对咁弱既对手,进攻套路明显唔够丰富.或者可能奇连士文觉得,对手咁弱,靠几招就够杀啦.但,如果依家唔演练多几种套路,到时真係踢强队,前面攻又攻唔入,后面失惊无神漏你几球.咁咪死?!当然,从今仗双方表现出呢的实力呢睇,哥斯达黎加真係唔係德国个皮波.或者係为留力,又或者真係係咁多料.但唔紧要啦.作为球迷,最紧要係睇到好波者.今场揭幕战,係近呢几届中,算最精彩既一场了.期待后面会有更多精彩的比赛出现.
